Nick Jonas !!! - 16 იანვარს 2011

ნიკ ჯონასი - როგორ უნდა ვებრძოლოთ დაავადებას. .
"ეს ყველაფერი სიგიჟეს ჰგავდა,ყველაზე მეტად რაც მაწუხებდა ეს იყო კითხვა შევძლებდი თუ არა გამეგრძელებინა სიმღერა...."

კიდევ ერთხელ გავიხსენოთ ზოგიერთი დეტალი თინეიჯერთა კუმირის ცხოვრებიდან ..

Nicholas Jerry "Nick" Jonas დაიბადა 1992 წლის 16 სექტემბერს შტატებში,ქალაქ დალასში ტექსასის შტატში დენის მილერისა და პაულ კევინ ჯონასის მუსიკალურ ოჯახში.ის გაიზარდა ნიუ ჯერსის შტატში.მას ჰყავს 3 ძმა,ყველაზე უმცროსი 10 წლის ფრანკლინ ნათანიელ ჯონასია,ხოლო ჯო,კევინი და ნიკი ქმნიან ყველასათვის კარგად ცნობილ პოპ ჯგუფს Jonas Brothers.

6 წლის ასაკში ნიკ ჯონასი აღმოაჩინეს სილამაზის სალონში,სადაც დედამისი თმის მოსავლელად დადიოდა და 7 წლიდან ის უკვე ბროდვეიზე გამოდიოდა.მან ითამაშა არაერთ პიესაში,მათ შორის ჩარლზ დიკენსის ცნობილ "A Christmas Carol" , ასევე "Annie get your gun", "Beauty and the beast"..მუსიკა მას ბავშვობიდანვე უყვარდა და წერდა სიმღერებს.

Jonas Brothers როგორც ჯგუფი სპონტანურად ჩამოყალიბდა,რადგან თავდაპირვეკლად ნიკი აპირებდა სოლო კარიერის გაკეთებას და მისი ძმები მხოლოდ ბექ ვოკალს ასრულებდნენ კასტინგზე,მაგრამ პროდიუსერს სამივე ძალიან მოეწონა და დაამტკიცა ისინი როგორც ჯგუფი.მათი პირველი ალბომი It’s About Time გამოვიდა 2006 წელს ,ამას მოჰყვა სერიალი Disney Channel-ზე Jonas,სხვა ალბომები,ფილმები,კონცერტები,ტურები,უამრავი გულშემატკივარი...შეყვარებული თინეიჯერები..

ნიკ ჯონასმა 13 წლის ასაკში გაიგო რომ მას ჰქონდა დიაბეტი Type 1,რაც თავდაპირველად მისთვის შოკი აღმოჩნდა.მის სისხლში შაქრის დოზა 700 აჭარბებდა.ნიკი ძალიან შეშინდა..ის ამბობს:" ეს ყველაფერი სიგიჟეს ჰგავდა. ბავშვი,რომელსაც ძალიან კარგი სამედიცინო ისტორია ჰქონდა და უეცრად ასეთი დიაგნოზი...ყველაფერი უნდა მესწავლა...ყველაზე მეტად რაც მაწუხებდა ეს იყო კითხვა შევძლებდი თუ არა გამეგრძელებინა სიმღერა.ჩემი მეგობრები მხარს მიჭრედნენ.მამა და ჩემი ძმები სახლში დაბრუნდნენ,დედა კი ჩემთან დარჩა საავადმყოფოში.." მეორე დღესევე,როცა ნიკი საავადმყოფოდან გამოვიდა,მას ჰქონდა კონცერტი,თავი საკმაოდ მხნედ ეჭირა,მან ეს შეძლო,ტურშიც ჩაება და არავის არაფერი აგრძნობინა...მაგრამ ცხოვრება საკმაოდ გაურთულდა.მას უნდა შეემოწმებინა სისხლში შაქრის რაოდენობა დღეში თორმეტჯერ,რეგულარულად უნდა ესვა წამლები და ეკეთებინა ინსულინის ინექცია.მან გადაწყვიტა გამოეყენებინა ომნიპოდი.ომნიპოდი ეს არის შესანიშნავი საშუალება დიაბეტით დაავადებულთათვის,რომელიც ავტომატურად აკონტროლებს სისხლში შაქრის რაოდენობას და აწვდის ინსულინს საჭიროების შემთხვევაში.ნიკი არ იცავს რაიმე განსაკუთრებულ დიეტას და ეწევა აქტიური ცხოვრების წესს.

ნიკი ომნიპოდით

2007 წელს მან სახალხოდ განუცხადა თავის ფანებს მისი დაავადების შესახებ.მან ფანების უზარმაზარი მხარდაჭერა მიიღო.მათ ონლაინ თამაშიც კი ჩამოაყალიბეს "Spot the OmniPod"-შეამოწმე ომნიპოდი,სადაც ისინი ნახულობენ ნიკის ფოტოებს,ამოწმებენ ომნიპოდს.ზოგიერთიი მათგანი იწერს ნიკის სახელს,იმ ადგილას სადაც ნიკი ომნიპოდს ატარებს.

ნიკმა განცხადების შემდეგ თქვა:" მე დავიწყე დიაბეტით დაავადებულ ხალხთა ისტორიების მოძიება და აღმოვაჩინე რომ ისინი საკმაოდ ბევრნი არიან..ასევე მე ძალიან ბევრ ბავშვს ვუბიძგე, მეგობრებისთვის გაემხილათ საკუთარი საიდუმლო დიაბეტით დაავადების შესახებ" ნიკი ცდილობს დაეხმაროს დიაბეტით დაავადებულ ბავშვებს.ნიკს დედა დიდ დახმარებას უწევს განსაკუთრებით ტურების დროს, მუდამ დაჰყვება და "აიძულებს" ვიტამინები და სხვა წამლები მიიღოს. ნიკი აცხადებს:"მე ვიცი რომ დიაბეტი ჩემი ცხოვრების ნაწილია და მე არ შემიძლია დავივიწყო მისი არსებობის შესახებ.იმედია,გამოიგონებენ ამ დაავადების განკურნების საშუალებას და მე ვიქნები ერთ-ერთი პირველი ვინც ამის შესახებ გაიგებს"...

ამ ყველაფრის მიუხედავად,ნიკი არაჩვეულებრივ ფორმაშია.ის დაჯილდოვებულია ლიდერის თვისებებით,რაც მას ძალიან მოსწონს საკუთარ თავში...მან შეძლო და არ ჰქონია დეპრესია, უბრალოდ შეეგუა მის დაავადებას და არჩეული გზიდან ერთი წამითაც არ გადაუხვევია..მან მოახერხა განეხორციელებინა საკუთარი ოცნებები.ეს ყველაფერი ნიკმა დიდი შრომის შედეგად მიიღო და ჩემი აზრით საკმაოდ დადებითი პიროვნებაა...